October 19, 2022
ومن أين يأتي الإبداع؟
متنوع
ومن أين يأتي الإبداع؟
مشهد 1:
يجلس شريف علي الاريكة في منزله ويغلق التلفاز ويظل ينظر إلى الحائط الأمامي كجماد أجوف.
يدور بداخله أسئلة متتابعة كأمواج البحر.
امتلأت الغرفة بدخان سجائره حتى ساد الضباب المشهد.
لم يعد لدي أفكار اكتبها لقد نفدت ولن تعود, سأصبح قريبا مثل خيل الحكومة, لا ليس قريبا انا الان خيل الحكومة فقد أنتظر تنفيذ حكم الإعدام ومرور الأيام !
حسنا الأيام تمر سواء جلست في هذه الغرفة الكئيبة أو ذهبت الى مكان اخر, سأذهب إلى الإسكندرية على أمل أن تأتيني الأفكار مرة أخرى.
يجب أن تأتيني الأفكار عندما اسافر فكل الروايات والأفلام تقول ذلك, يجب أن يذهب البطل البائس إلى البحر حتى يتعرف على أصدقاء جدد و فتاة يحبها و تجعله يكتشف نفسه ثم يكتب روايته عن كيف اكتشف الحياة مرة اخرى !
سأكون مثلهم أو لعلي لن أكون أبدا.
ومن أين تأتي الأفكار!
الحكاية اللي فوق دي حكايتنا كلنا مع اختلاف الدافع, فية الي بيدور علي فكرة روايته الجديدة وفي اللي بيدور علي قصيدته وفي اللي بيدور علي فكرة لشركة وهكذا.
هيجي وقت اكيد نحس اننا بنخلص فيه افكارنا وان معندناش جديد نقدمه, اكيد السفر وانك تعرف ناس جديدة وتعمل نشاطات جديدة وسيلة مهمة جدا في استحضار الأفكار والموضوع ده اتهرس في ميت فيلم عربي واجنبي قبل كده عشان كده احنا بناخد علية برضو المرة دي مش هنسيبه يعدي.
سافر واعمل حاجة جديدة
……………………………………………………….
منين تاني اجيب افكار؟
اقرأ, ومش شرط تقرأ في مجالك, ناس كتير جالها أفكار من كتب خارج مجالها تماما.
في ناس بيجيلها أفكار وهي بتشوف أفلام, وفي ناس بتقرا كتب في التاريخ أو علم النفس ويجيلها أفكار في البيزنس.
السر انك وانت تقرا تكون حاطط في دماغك المشكلة اللي بتدور علي حل ليها.
يمكن تلاقي حدث تاريخي يكون هو بداية روايتك أو حملتك الاعلانية.
كنا قولنا قبل كده ان سيلفستر ستالون جاله فكرة فيلم روكي وهو بيشوف ماتش ملاكمة لمحمد علي, وفيلم روكي كان السبب في كل تاريخ سيلفستر الحالي.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
فكر في فكرة واعكسها:
يمكن دي طريقة مشهورة زي بتاعت السفر كده, فكرة مثلا وقول حقيقة زي احمد بيروح للمدرسة.
اعكس الجملة هتبقي المدرسة بتروح لاحمد.
طب ازاي المدرسة تروح لأحمد!
يبقي نعمل تعليم أونلاين ودي فكرة!
وهكذا بقي.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شوف الناس بتحب ايه:
مفهوم الماركتنج قام علي أساس الفكرة دي. بدل ما نعمل منتجات ونبيعها احنا نشوف الناس عايزة اية وبعدين نعمله.
ستيف جوبز جاتله فكرة أن يعمل الـ ipad لما لقي الناس بتقول لو شاشة الايفون كبيرة ممكن تغني علي كتير من وظائف الكمبيوتر وتكون اسهل.
علما بان في محاولات كتيرة حصلت لصنع تابلت ونزلت السوق في وقت قبل الـ ipad بس ستيف جوبز عملها لما شاف الناس عايزاها.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اتحدي واكسر الأفكار
صلاح جاهين بيحكي علي الرباعيات وبيقول انه كاتب بيكتبها عشان يتحدي نفسه وقدرته على كتابة الشعر!
ليه ميبقاش في رواية من صفحة واحدة (مثلا ومعرفش يمكن يكون فية).
ليه اغلب حملات المنظمات الخيرية بتلعب على اكتساب التعاطف اوي ( حصل واتكسرت في اعلان مستشفي مجدي يعقوب الأخير واغنية ارسم ضحكة).
,,,,,,,,,,,,,,,,,,,,,,,,,,,,,,,,,,,,,,,,,,,,
مشهد 2 خارجي:
لازال شريف جالس بس في كافيه مش في شقته وطلع أن السفرية فلوس على الفاضي لانه معملش أي حاجة جديدة غير أنه سافر وقعد على الكافية.
