October 3, 2022
دروس في البيزنس من فيلم The karate kid
بيزنس شوتس
-فقط أخبرني شاو دري لماذا؟ لماذا تريد العودة إلى هناك وأنت بهذه الحالة؟
=لإني مازلت خائف، مهما يحدث الليلة، عندما نغادر، لا أريد أن أكون خائفًا بعد الآن.
في أخر لقطة من الفيلم وشاو دري مصاب وعاوز يكمل برضو مسابقة الكونج فو للأخر!
هو حاسس إنه لو انسحب هيفضل خايف، هيفضل في باب مفتوح في عقله بيقول إنت مكملتش للأخر، إنت محاولتش، إنت هربت.
ليا صديق اشتغل في شركة ومكنش أحسن حد فيها لظروف معينة كانت خارجة عن إرادته ساعتها، ومرضيش يمشي من الشركة وفضل مكمل عشان يثبت لنفسه إنه هيكون أحسن حد فيها، وإن الظروف اللي كانت ضده في وقتها ممكن تتغير.
صاحبي ده كان خايف يمشي بإحساس سلبي من الشركة فيفضل ملازمه للشركة اللي بعدها واللي بعدها وهكذا، كان خايف يفضل يفتكر إنه فشل.
وفعلًا فضل فيها لحد ما تم تكريمه أكتر من مره وده كان في وقت قصير جدًا تقريبًا أربع شهور، ومشي وهو في قمة مجده وكانت الشركة مستغربة جدًا من القرار ده.
وراح حقق نجاحات أكتر في شركة تانية!
طبعًا كلامي ده مش معناه إننا منوقفش ونفضل نحاول في كل حاجة، لازم نتعلم امتى نوقف وامتى نكمل.
خليك فاكر انك اتعلمت من الفيلم ده انك لازم تواجه، وحتى لو واجهت وخسرت هيكون أفضل مليون مرة من الهروب.
لو عاوز تقرأ أكتر أنصحك بـ
كتاب سيث جودين المنخفَض The dip واللي هيعلمك امتى توّقف وامتى تكمل.
