October 3, 2022
دروس في البيزنس من فيلم روكي
بيزنس شوتس
-فجأة وعند نقطة زمنية ما، تغيرت، توقفت عن أن تكون ما أنت عليه، تركت أناس يشيرون بأصابعهم في وجهك ويقولون لك: أنت لا تصلح لأي شيء…
وعندما ساءت أمورك، بدأت تبحث حولك عن عذر تعتذر به أو شيء تلقي باللوم عليه.
دعني أخبرك شيئا أنت تعرفه بالفعل، العالم ليس كله قوس قزح أو شمس مشرقة، العالم مكان صعب ومليء بأسباب الشر والخبث، ومهما كنت قويًا فسينقض عليك هذا العالم ويجعلك تسقط على ركبتيك من شدة ضرباته، وسيحرص العالم على أن تبقى راكعًا هكذا تحت وطأة ضرباته. إن أنت تركته لا يستطيع أحد أن يضربك بقوة تماثل قوة هذا العالم.
لكن ليست العبرة بمدى قوة ضرباتك، بل بقدرتك على أن تتلقى الضربة، وتتحملها وتستمر في السير للأمام في طريقك. كم من الضربات يمكنك تحملها بينما تستمر في السير للأمام؟ هذه هي طريقة صنع الفوز والفائزين.
إذا كنت تعلم ما تساويه وما تستحقه، اخرج إلى هذا العالم واحصل على ما تستحقه، لكن عليك قبلها أن تكون مستعدًا لتلقي الضربات، وألا تشكو قائلًا:
أنا لست في المكان الذي أستحقه بسببه هو أو بسببها هي أو بسبب أي شخص. الجبناء يتعللون بهذه الأعذار وأنت لست جبانًا، أنت أفضل من ذلك.
أنا سأبقى دائمًا أحبك مهما حدث
أنت أفضل شيء في حياتي
لكن لحين أن تبدأ في الإيمان بنفسك لن يمكن أن تكون لك حياة.
ده كان كلام روكي لابنه.
اقرا الجمل دي معايا:
– توقفت على أن تكون انت!
– تركت الناس يقولون لك أنت لا تصلح.
– بدأت تبحث حولك عن عذر.
اوعى تعمل كده في نفسك، اوعى تبطل تكون انت عشان أي حاجة، انت لو مثلت إنك شخص تاني مش هتنجح، في فرق بين إنك تعدل في شخصيتك سلوك ما وتحاول تغيره وبين إنك تمثل إنك حد تاني.
اوعى تسيب كلام الناس يأثر فيك، على رأي جورج وسوف “كلام الناس لا بيقدم ولا يأخر”.
الناس مش عارفاك، الناس عارفة نفسها، الناس هتقول اللي بتشوفه واللي أحيانًا كتير بيكون غلط، واي حد نجح في حياته اتقال له قبل كده إنه هيكون فاشل حتى من أقرب الناس ليه.
اوعى تفضل تدوّر على أعذار عشان تلوم الناس وتريح ضميرك، خد مسؤولية نفسك، حاسب نفسك وصلحها، الأعذار مش هتعمل حاجة غير إنها تعطلك.
كمل معايا باقي الجمل دي:
– لكن ليست العبرة بمدى قوة ضرباتك، بل بقدرتك على أن تتلقى الضربة وتتحملها وتستمر في السير للأمام في طريقك.
– انا سأبقى دائمًا أحبك مهما حدث.
محدش هيعرف يضرب الدنيا، كلنا ضعفاء اوي فعلًا، واللي بيفرق الناجح عن غيره مش إنه متضربش من الدنيا لا، إنه لما بيتضرب بيكمل، مش بيقف كتير قصاد كل ضربة.. لأ، بيكمل.
لازم تكمل مهما اتضربت ووقعت.
وأخيرًا الجملة الأقرب لقلبي في الحوار، سأظل أحبك مهما حدث.
التقبل رغم الأخطاء، وإنك تحب اللي قدامك وتبقي عارف الفرق بين غلطاته وبين شخصيته.
مش معنى إنه بيغلط فهو شخصية وحشة.
لو في حد فينا بيغلط فده معناه إنه بيغلط، بس!
أهم نقط لازم تتعلمها من حوار روكي:
كمل رغم قوة ضربات الحياة.
ما بلاش أعذار على رأي أستاذ تامر حسني.
الغلط حاجة وشخصيتنا حاجة تانية.
خليك شخصيتك ونفسك عشان تنجح.
سيبك من الناس وكلامهم وكمل.
لو عاوز تقرأ أكتر انصحك بـ
كتاب The Greatest: My Own Story لقصةحياة محمد علي.
