وليد سعيد

البحر من خلفك والعدو من امامك ( لا تحرق السفن)

متنوع

البحر من خلفك والعدو من امامك ( لا تحرق السفن)

 

كلنا سمعنا عن تلك الأسطورة التي أمر فيها قائد جيش يقال انه شجاع بحرق السفن عند ملاقاة العدو!

السبب ان يكون البحر من خلفك والعدو من امامك فلا سبيل للهرب إلا أن تنتصر في الحرب.

ستجد أن القصة ذكرت في بعض كتب التاريخ الإسلامي وكان قائد الجيش طارق بن زياد, نفس القصة ذكرت في التاريخ الإسباني وكان قائد الجيش إرنان كورتيس.

 

تكلم كثير من علماء التاريخ أن هذه القصة لا أصل لها علي الاطلاق ورغم ذلك يتناقلها البعض علي انها من اساسيات التحفيز والإدارة !

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

 

هتفتح شركة؟ يبقى أحرق السفن بقي يامعلم معروفة دي واسمع مني:

  1. استقيل من شغلك

  2. ورط نفسك في ديون كتيرة اوي عشان شركتك.

  3. اضرب مديرك القديم

كده انت في وضع لا تحسد عليه وحرقت السفن اكيد هتنجح بقي بس بعد ما تخرج من السجن!

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

 

هتفضل أكبر مشكلة دايما بتواجهنا هي قلة فهمنا للعلم واستعجالنا في نقل العلم بدون فهم, في حد هيقرا قصة طارق بن زياد وينقلها ويبتدي يخطط حياته على أساسها وفي حد هيشوف أصل القصة ايه وفي حد هيشكك في القصة لانها مش منطقية لاسباب كتيرة اوي.

 

في حد هيقرا كتاب وتاني يوم هتلاقيه بيدي محاضرات في موضوع الكتاب.

او في حد قرأ وفهم غلط ونقل اللي فهمه ده غلط زي ماهو كده بدون إعمال عقلة فيه.

 

يعني في نفس الوقت اللي بنتكلم فيه احنا عن حرق السفن وان رائد الأعمال ده لازم يكون مخاطر اكتر من رامبو نفسه بيحصل ان في أوروبا والدول المتقدمة ناس بتقول للناس لا استنوا اهدوا مفيش حاجة اسمها كده

 

في حاجة اسمها lean startup  ,,, في حاجة اسمها اننا نطلع بفكرتنا بشكل بسيط ونشوف رد فعل السوق الأول.

في ناس بتقولك لا استني متسبش شغلك في حاجة اسمها  10% entrepreneur وامشي في الموضوع واحدة واحدة.

لازم نفهم ونتعلم قبل ما نتكلم !

,,,,,,,,,,,,,,,,,,,,,,,,,,,,,,,,,,,,,,,,,,,,,,

تراجع بقايا الجيش بعد هزيمة منكرة وهربوا اللي البحر ولكن أسماك القرش التهمتهم وماتوا جميعا حتى قال رجل حكيم في بلدهم وهو ايه اللي وداهم هناك ! 

 

 

 


Recent Post

Follow me on social media