1-اكشن داش action dash

تطبيق بيسجل مدة استخدامك لكل التطبيقات على موبايلك ويديك إحصائيات بده، هتتصدم لما تعرف انك استخدمت الفيسبوك 10 ساعات في اسبوع مثلا، وبكده تعرف ايه الحاجات اللي بتسحب وقتك وانت مش واخد بالك.

متقولش انا عارف بستخدم كل حاجة قد ايه لأن صدقني احنا مش مدركين وقتنا بيضيع في ايه.

2-المصاريف

بتقدر من خلاله تدخل مصروفاتك وعائداتك، بحيث تتحكم في بنود الإنفاق بتاعتك وتعرف انت بتصرف في ايه، ميزة البرنامج انه عربي وسهل.

3-ستوري تل story tel

وقت المواصلات والعربية والجيم مش ضايع طول ما انت بتسمع حاجة مفيدة بدل الاغاني، انصحك تبدأ تجربتك في الكتب الصوتيه بكتب خفيفة وصغيرة عشان تتعود على التجربة وبعد كده هتبقي مدمن.

الابلكيشن ب اشتراك 89 جنية شهريا

4-بوديو podu

بوديو منصة صوتية، هتقدر برضو من خلالها تسمع بودكاست لناس مهمة بتكلم في مواضيع مختلفة علي حسب اهتمامك، ومجانية.

5-تيك تيك ticktick

افضل ابلكيشن بستخدمه لتنظيم التاسكات ومهامي اليومية، وفي مميزات كتير زي التذكير وسهل الاستخدام جدا.

6-جوجل كيب keep notes

مين مبيجلوش افكار حلوة عاوز يسجلها ومش بيلاقي ابلكيشن لطيف لده، الابلكيشن سهل ومنظم ومن خلاله بسجل اغلب الافكار اللي بتيجي فجأه، متعتمدش انك هتفضل فاكرها لان ده مش هيحصل.

7-نوشن notion

احمد ابو زيد كان صادق لما عمل فيديو اداه واحدة هتنظم حياتك، نوشن بستخدمه في حاجات كتير جدا، منها تسجيل ملخصات الكتب اللي بقراها، ومنها أهداف السنة وغيره، اسمع الفيديو بتاع ابو زيد على اليوتيوب هيفيدك كتير في استخدام نوشن.

8-فورست forest

تخيل تشتغل وانت بتزرع شجر في العالم؟ فورست بيساعدك في ده عن طريق استخدام خاصية ال pomodoro technique ودي بتخليك تركز في التاسك الل بتعمله حاليا لمدة 25 دقيقة وترتاح 5 دقايق، وبكده تقدر تحسب وقتك بيروح فين وكل تاسك بياخد كام دقيقة، وكل ما بتركز الشجر بيزيد.

9-هابت تراكر habit 360

متتبع العادات،عاوز تغير من عادة عندك، ومثلا تحافظ على شرب كوباية قهوة واحدة بس يوميا، دخل ده هدف عندك في التطبيق وكل ما تحافظ علي الهدف يوميا تعلم صح، الابلكيشن تذكير قوي ومراقبة لعاداتك اللي محتاج تغيرها.

10- بوكيت Pocket

بقدر اتابع المقالات وكل جديد في عالم التسويق وغيره عن طريق تطبيق بوكيت، ببساطة انت بتختار اهتماماتك ايه وهو بيجمع مقالات من مصادر مختلفة ويبجهالك وانت تقراها براحتك.