1-فيلم pirates of silicon valley

تخيل بتشوف قصة نجاح شركة ابل وشركة مايكروسوفت والصراع الكبير بين ستيف جوبز وبيل جيتس، فيلم هتطلع منه بمعاني وأفكار كتير عظيمة.

2-Moneyball

مش مهم تكون شخص رياضي ولا بتفهم في طبيعية اللعبة ولكن الفيلم هيخدك لمفهوم ثوري كان تقريبا اول مرة يحصل في الرياضة وهو الاعتماد علي التحليل في القرارات، الفيلم مليان مفاجآت حلوة.

3-Toilet: Ek Prem Katha

لو لسه فاكر السينما الهندية زي مهي يبقي فايتك كتير،تخيل ان في مناطق سكنية كتير السكان بتوعها عندهم اعتقاد ان مينفعش يكون في حمام جوه البيت!

فيلم هيصدمك بحقايق عن بعض ثقافات الهند وهيوريك اصرار رهيب لبطل القصة.

4-jobs 2013

قصة حياة الملهم ستيف جوبز من بداية شركة ابل وحتى طرده منها وازاي كان قادر يصنع منتجات ثورية.

5-dangal

عامر خان كممثل نفسه عبقري وملهم وانا بحب افلامة جدا، الفيلم ده هيخدك في قصة تربية بنتين عشان يكونوا ابطال مصارعة!

فياترى ايه اللي هيحصل؟

6-Gunjan.Saxena.The.Kargil.Girl

ايوه هو اسمه كده 😀

قصة اول فتاة هندية تنضم للقوات الجوية في الجيش وتروح الحرب كمان وتلهم وراها الاف الفتيات.

7-The.Billionaire

نبعد عن السينما الهندية خالص ونروح لفيلم تايلندي لولد عن ١٨ سنة نجح بعد رحلة كلها صراعات في البيزنس انه يبقي ملياردير.